«Միասնական Ջավախք» ժողովրդավարական դաշինքը սեպտեմբերի 25-ից սկսել է իր նախընտրական քարոզարշավը Վրաստանի Ախալքալաքի շրջանի գյուղերում: «Ջավախք-ինֆոյի» տեղեկացմամբ, «Միասնական Ջավախք» շարժման անդամ Վահագն Չախալյանը հայտարարել է, որ ոչ մի կուսակցություն չի համաձայնել համագործակցել այդ շարժման հետ, չնայած դրան շարժումը նախաձեռնող խմբերի միջոցով 22 ընտրատեղամասերում առաջադրել է իր թեկնածուներին: Հոկտեմբերի 5-ին Վրաստանում կայանալիք տեղական ինքնակառավարման մարմինների ընտրությունների առնչությամբ Չախալյանն արդեն իսկ նշել է լուրջ կեղծումների վտանգի մասին, քանի որ ցայսօր Ջավախքում գործող տեղական մարմինները վստահություն չունեն վերընտրվելու հարցում:
Ա. Հ.