Ինչպես երեկվա համարում տեղեկացրել է «Ռադիկալ» թերթը, դատական հերթական գործի հարուցումը «Ակօսի» գլխավոր խմբագիր Հրանտ Դինքի նկատմամբ լայն արձագանք է գտել թուրք մտավորականների շրջանում, եւ նրանք իբրեւ համերաշխության նշան պատրաստակամություն են հայտնել նստելու ամբաստանյալի աթոռին:
Թուրք մտավորականները միաժամանակ խստագույնս դատապարտել են թուրքական քրեական օրենսգրքի 301-րդ հոդվածը եւ ինտերնետային ստորագրահավաք են կազմակերպել, որ իրենց միանան մյուսները: Այդ մտավորականների մեջ են երաժիշտներ, փաստաբաններ եւ գիտնականներ, որոնցից կարելի է առանձնացնել հայ հասարակությանը քաջ հայտնի Ռագըփ Զարաքոլուին, Թաներ Աքչամին, ինչպես նաեւ Անկարայի համալսարանի պրոֆ. Բասքըն Օրանին եւ Ստամբուլի «Մարմարա» համալսարանի պրոֆ. Իբրահիմ Քաբօղլուին:
Հ. Չ.