Լեհաստանում մեկնարկել է ֆուտբոլի կանանց Եվրոպայի պատանեկան առաջնության (մինչեւ 19 տարեկաններ) ընտրական մրցաշարը: Ընտրական 2-րդ խմբում ընդգրկված Հայաստանի հավաքականի մրցակիցներն են Իսպանիայի, Լատվիայի, Լեհաստանի ընտրանիները:
Մեր աղջիկներն անհաջող սկսեցին մրցաշարը: Մեկնարկային խաղում Հայաստանի հավաքականը 0-2 հաշվով զիջեց լեհերին: 28-րդ րոպեին հաշիվը բացել է Նատալյա Խուդզիկը, իսկ 61-րդ րոպեին 2-րդ գնդակը մեր հավաքականի դարպասն է խփել Բոխրան: Խմբի մյուս խաղում իսպանուհիները 14-0 հաշվով ջախջախել են Լատվիայի ընտրանուն: Հաջորդ տուրում մեր մարզուհիները մրցելու են իսպանուհիների հետ, իսկ հոկտեմբերի 1-ին մեր թիմի մրցակիցը կլինի Լատվիայի ընտրանին:
ԱՇՈՏ ՀԱՅՐԱՊԵՏՅԱՆ