Թուրքերն ուշացումով հասկացան, որ թակարդն են ընկել
Կանցնի որոշակի ժամանակ եւ մեր քաղաքագետներn իրենց լիարժեք գնահատականը կտան այն երկու պատմական իրադարձություններին, որոնք տեղի ունեցան 2007-ին` միաժամանակ:
Ֆրանսիայի Ազգային ժողովը հայոց ցեղասպանության ուրացման համար քրեական պատիժ նախատեսող օրինագիծ ընդունեց: Համարյա թե միաժամանակ գրականության բնագավառում այս տարի Նոբելյան մրցանակ շնորհվեց թուրք գրող Օրհան Փամուկին:
Թուրք վերլուծաբանները միայն երկու օր անց գիտակցեցին, թե իրականում ինչ է կատարվել, ինչպես են նրանք ընկել նրբորեն հյուսված թակարդի մեջ եւ իրենց վայրի հակազադեցությամբ ակամա աջակցել թակարդ հյուսողին:
2007թ-ի հոկտեմբերի 14-ին այդ մասին առաջինը նշեց թուրք վերլուծաբան Էրթուղրուլ Յոզքոքը «Հուրիեթ» թերթի իր հոդվածում: Նա հոկտեմբերի 13-ը եւ 14-ն անվանեց «Թուրքիայի օրեր» համաշխարհային լրատվական միջոցներում: Եվ վերլուծաբանն իրավունք ուներ այդ մասին գրելու եւ անհանգստանալու: Ըստ Էրթուղրուլ Յոզքոքի, համշխարհային բոլոր հեղինակավոր լրատվամիջոցները գրեցին եւ հեռարձակեցին Ֆրանսիայի Ազգային ժողովի կողմից ընդունված օրինագծի վերաբերյալ նյութեր եւ տեսանյութեր` 1251 անգամ: Թուրք գրող Օրհան Փամուքին Նոբելյան մրցանակ շնորհելու մասին`1318 անգամ: Ընդ որում, բոլոր լրատվամիջոցները պարտադիր նշում էին, որ Օրհան Փամուքը Թուրքիայում դատապարտվել է քրեական օրենսգրքի 301 հոդվածով (թուրք ինքնությունը վիրավորելու համար) եւ մեջբերում էին անում նրա հեղինակած հետեւյալ տողերը.«Թուրթերը մեկ միլիոն հայերի եւ 30 հազար քրդերի են սպանել»: Ակտիվ են եղել նաեւ աշխարհի ամենահեղինակավոր լրատվական գործակալությունները, որոնք Թուրքիայի եւ Հայոց ցեղասպանության վերաբերյալ հոկտեմբերի 13-ին եւ 14-ին սփռել են 269 լուր:
Այսինքն տեղի է ունեցել Հայոց ցեղասպանության իրողությունը աշխարհին ներկայացնելու աննախադեպ քարոզարշավ , որին, ակամա, մասնակցել են նաեւ թուրքերը, ստիպելով լրատվամիջոցների անդրադառնալ նաեւ այդ օրերին իրենց բիրտ հակազդեցության գործողություններին: Եվ այդ գործողությունների շարունակումը կնշանակի թույլ տալ լրատվամիջոցների շարունակել քարոզարշավը:
Սա նշանակում է, որ թուրքերն ուշացումով են հասկացել, որ թակարդն են ընկել: Եվ ,այսուհետ, յուրաքաչյուր ակտիվ գործողություն, որ նրանք կիրականացնեն Ֆրանսիայի եւ ,առավել եւս, Հայոց ցեղասպանությունը մերժելու ուղղությամբ չի ծառայելու իրենց շահերին:
Սակայն հետաքրքրական են նաեւ այն թվական տվյալները, որոնք ներկայացնում է թուրք վերլուծաբանը, թե ու լեզվով որքան նյութ է տպագրվել այդ երկու պատմական իրադարձության մասին;
| Ֆրասիայի Ազգային ժողովի ընդունած օրինագծի վերաբերյալ | Օրհան Փամուքին Նոբելյան մրցանակ շնորհելու վերաբերյալ | |
| Անգլերեն | 602 | 479 |
| Ֆրանսերեն | 394 | 119 |
| Իտալերեն | 32 | 37 |
| Գերմաներեն | 125 | 280 |
| Իսպաներեն | 98 | 403 |
| ԸՆԴԱՄԵՆԸ | 1251 | 1318 |
Այսքանից հետո չես կարող ինքդ քեզ զսպել եւ չբացականչել. «Vivat France»
ԷԴԻԿ ՀՈՎՍԵՓՅԱՆ