ՀՀԿ-ական պատգամավոր Սամվել Նիկոյանին զայրացրել էր ՌԴ պետդումայի պատգամավոր Կոնստանտին Զատուլինի այն հայտարարությունը, թե Հայաստանը պետք է վերջապես կողմնորոշվի` կամ Վրաստան, կամ Ռուսաստան: «Հայաստանի արտաքին քաղաքականությունն ի շահ ՀՀ ազգային շահերի է, եւ ոչ թե զատուլինների ցանկությունների», ասաց նա իր հայտարարությունում: Մինչդեռ ԱԺ փոխնախագահ Վահան Հովհաննիսյանը պարզաբանեց, որ միջխորհրդարանական հանձնաժողովի նիստին ինքը ներկա է եղել, եւ Զատուլինը նման հայտարարություն չի արել, իսկ թե ինչ է ասել նա մամուլին` դա չի կարող հիմք լինել:
Մ. Խ.