Ինչպես արդեն տեղեկացրել էինք, այսօր ֆուտբոլի Հայաստանի ազգային հավաքականը կմեկնի ԱՄՆ, որտեղ անցկացնելու է երկու ընկերական հանդիպում: Հունվարի 14-ին մեր ընտրանին ուժերը կչափի Պանամայի հավաքականի, իսկ հունվարի 17-ին` «Ֆրեզնո Ֆուեգո» թիմի հետ:
Մինչեւ ԱՄՆ մեկնելը Հայաստանի ազգային հավաքականը հունվարի 6-ից ուսումնամարզական կարճատեւ հավաք անցկացրեց Արարատի «Այգ» մարզաբազայում: Պարապմունքներին զուգահեռ հունվարի 8-ին հավաքականն ընկերական խաղում ուժերը փորձարկեց «Բանանցի» հետ: Խաղն ավարտվեց ազգային հավաքականի խոշոր հաշվով հաղթանակով (4-1): Հաշիվը բացեց Արմեն Շահգելդյանը, ապա աչքի ընկավ Տիգրան Ղարաբաղցյանը: Հետագայում Արա Հակոբյանն իրացնելով 11մ հարվածը` հաշիվը դարձրեց 3-0: Իսկ քիչ անց Լեւոն Փաչաջյանը 4-րդ անգամ գրավեց «Բանանցի» դարպասը: Խաղավերջում Սեմյոն Մուրադյանին հաջողվեց «թրջել» հաշիվը:
ԱՄՆ մեկնող հավաքականի հիմնական կորիզը կազմում են «Փյունիկի» ֆուտբոլիստները: Հավաքականում ընդգրկվել են նաեւ «Արարատի», «Միկայի» եւ «Բանանցի» մեկական ֆուտբոլիստներ, ինչպես նաեւ հինգ լեգեոնականներ: Գլխավոր մարզիչ Իան Պորտերֆիլդը հավաքական է հրավիրել հետեւյալ ֆուտբոլիստներին:
Դարպասապահներ
| Գեւորգ Կասպարով | «Փյունիկ» |
| Էդգար Գասպարյան | «Փյունիկ» |
Պաշտպաններ
| Սարգիս Հովսեփյան | «Փյունիկ» |
| Ալեքսանդր Թադեւոսյան | «Փյունիկ» |
| Ռոբերտ Արզումանյան | «Փյունիկ» |
| Վալերի Ալեքսանյան | «Փյունիկ» |
| Եղիշե Մելիքյան | «Ստալ» (Ուկրաինա) |
| Հայկ Չիլինգարյան | «Փյունիկ» |
Կիսապաշտպաններ
| Աղվան Մկրտչյան | «Փյունիկ» |
| Արմեն Տիգրանյան | «Փյունիկ» |
| Լեւոն Փաչաջյան | «Փյունիկ» |
| Արթուր Մինասյան | «Արարատ» |
| Ռաֆայել Նազարյան | «Փյունիկ» |
| Կարեն Ալեքսանյան | «Զիմբրու» (Մոլդովա) |
| Հենրիխ Մխիթարյան | «Փյունիկ» |
Հարձակվողներ
| Արամ Հակոբյան | «Բանանց» |
| Արմեն Շահգելդյան | «Միկա» |
| Տիգրան Ղարաբաղցյան | «Փյունիկ» |
| Արա Հակոբյան | «Ստալ» (Ուկրաինա) |
| Արման Քարամյան | «Չախլաուլ» (Ռումինիա) |
| Գալուստ Պետրոսյան | «Զիմբրու» (Մոլդովա) |
ԱՇՈՏ ՀԱՅՐԱՊԵՏՅԱՆ