ԵԱՀԿ Մինսկի խմբի համանախագահները ներկայումս աշխատում են փետրվարի երկրորդ կեսին Օսկանյան-Մամեդյարով հերթական հանդիպում կազմակերպելու ուղղությամբ, «Ազատություն» ռադիոկայանին փոխանցել է ռուսաստանցի համանախագահ Յուրի Մերզլյակովը: Պատասխանելով հարցին, թե արդյոք տարբերվո՞ւմ են ընդունելի զիջումների սահմանները Հայաստանի եւ Լեռնային Ղարաբաղի իշխանությունների համար, Մերզլյակովը կարծիք է հայտնել, որ մոտեցումներում կան տարբերություններ, բայց դա չի նշանակում, թե դրանք անհաղթահարելի են: