«Թայմ» շաբաթաթերթի նոր համարը, Շվեյցարիա-Հայաստան ընկերակցության տեղեկացմամբ, պարունակում է Հայոց ցեղասպանության փաստագրական տեղեկությունների ամբողջ մի էջ, նաեւ շաբաթաթերթի հետ անվճար տրվող ցեղասպանության մասին վավերագրական տեսասկավառակ (DVD): 52 րոպեանոց անգլերեն եւ ֆրանսերեն վավերագրական ֆիլմը ֆրանսիացի բեմադրիչ Լորանս Ժուրդանի պատրաստածն է, որում ընդգրկված է հարցազրույց Հայոց ցեղասպանության առաջատար մասնագետ Իվ Թեռնոնի հետ: Եվրոպայում 550 հազար տպաքանակով տպագրվող շաբաթաթերթը կարելի է ձեռք բերել եվրոպական երկրների բոլոր կրպակներում: