ԲԱՔՈՒ, 6 ՓԵՏՐՎԱՐ, ԱՐՄԵՆՊՐԵՍ: Բաքվում մահացել է 37-ամյա Զամինա Զեյնալովան, որին փետրվարի 2-ին թոքային հիվանդությունների գիտահետազոտական ինստիտուտ էին տեղափոխել թռչնագրիպով հիվանդանալու կասկածանքով: Այդ մասին ԻՏԱՌ-ՏԱՍՍ-ին հայտնել են երկրի առողջապահության նախարարությունում: Բժիշկները պնդում են, որ Զեյնալովան, որը Նեֆթեչալինի շրջանի Բոյաթ գյուղի բնակչուհի է, «մահացել է երկկողմանի սուր թոքաբորբից»: «Սակայն թռչնագրիպի կասկածը բացառելու համար նրա արյան փորձանմուշները հանձնվել են Ադրբեջանի գյուղատնտեսության նախարարության պետական անասնաբուժական ծառայության մասնագիտացված լաբորատորիա», հայտնել են առողջապահության նախարարությունում: Այստեղ նշել են, որ «անհրաժեշտության դեպքում Զեյնալովայի արյան փորձանմուշները կուղարկվեն նաեւ Առեւտրի համաշխարհային կազմակերպության Լոնդոնի մասնագիտացված լաբորատորիա»: