«Դրամատիկական արվեստների հայկական միության» եւ «Բելմոնտ ուորլդ ֆիլմ» կինոստուդիայի համագործակցությամբ ստեղծվել է «Պատրանք» վերնագրով մի գեղարվեստական ֆիլմ, որի պրեմիերան, ըստ ստացված հաղորդագրության, պետք է կայանա մարտի 25-ին Բելմոնտի «Ստուդիո» կինոթատրոնում: Ֆիլմի ռեժիսորը, սցենարի հեղինակը, պրոդյուսերն ու դերակատարներից մեկը «Էմմի» մրցանակի արժանացած բազմատաղանդ արվեստագետ Մայքլ Գուրջյանն է: Նա ամերիկահայությանը ծանոթ է «Հինգ հոգանոց խումբը» հեռուստատեսային բազմամաս ֆիլմից: Վերջին չորս տարիների ընթացքում զբաղված է եղել իր այս առաջին լիամետրաժ գեղարվեստական ֆիլմը նկարահանելով: Անցյալ տարի այցելել է Հայաստան: Վերջերս դարձել է «Դրամատիկական արվեստների հայկական միության» խորհրդատու վարչության անդամ:
Ֆիլմում, որը սրտի կանչին հետեւելու թեման է շոշափում, ընդգրկված է նաեւ հոլիվուդյան լեգենդար դերասաններից Քըրք Դուգլասը:
ՀԱԿՈԲ ԾՈՒԼԻԿՅԱՆ