«Հայերը արոտավայրային տարածքներ են հրդեհել Ֆիզուլիի շրջանում», նման, ներեցեք արտահայտության համար, տեղեկություն են տարածել ադրբեջանական լրատվամիջոցները: Ավելին, Ադրբեջանի ԶԼՄ հաղորդագրություններին հավատալու դեպքում, «Հայաստանի զինված ուժերը կրակահերթեր են արձակել նաեւ այդ շրջանի մի քանի գյուղերի ուղղությամբ, կրակել են դաշտում աշխատող գյուղացիների վրա», եւ «հայերի հրդեհող գնդակների պատճառով հրդեհ է բռնկվել»: Պարզվում է, քամին էլ «հայի գործն է արել» ու արդյունքում «այրվել է 100 հա»:
Հիշեցնենք, որ այս «հրդեհումների» առնչությամբ արդեն իսկ եվրոպական կառույցների եզրակացությունը կա այն մասին, որ դրանք բնածին են, եւ բնավ էլ արդարացված չէ հայերին դրանցում մեղադրելը: Բայց, կարծես թե, ադրբեջանական կողմի համար, զուտ հակաքարոզչության տրամաբանությամբ, դեռեւս հարմար է անգամ բնությանը «մեղսակից սարքել» հայերին: