Հայաստանի Հանրապետությունում երկրին ու ժողովրդինՙ ՀՀ քաղաքացիներին արժանի խորհրդարան չկազմվեց, քանի որ որոշիչը ժողովրդի ձայնը չէր, այլ ԱԺ ընտրություններում իրականացված կեղծումները: Երեկ «Ուրբաթ» ակումբում այս մասին բարձրաձայնել է «Իմպիչմենտի» ներկայացուցիչ, Երեւանի նախկին քաղաքապետ Վահագն Խաչատրյանը: Պատկերն էլ առանձնապես չի ներառում ընտրողների մեղավորությունը կամ քաղաքացիական ոչ զգոնությունը, քանի որ նրանց ձայները դերակատարություն չեն ունեցել ընտրություններում: Այս պնդումը ներկայացնելով, բանախոսն ընդգծեց, որ «Հայաստանի քաղաքացիները պատրաստ են քաղաքացիական հասարակություն կերտելուն, սակայն երկրում այսօր գործողն ու իրականացվողը «Սերժ Սարգսյան» ծրագիրն է, իսկ գործող միակ ինստիտուտը նախագահի աթոռն է»: Այս տրամաբանությունից ելնելով էլ Վահագն Խաչատրյանը եզրակացրեց, որ Հայաստանում քաղաքացիական հասարակության ստեղծումը մեծապես պայմանավորված է նաեւ իշխանությունների ցանկությամբ:
ՆԱՆԱ ՊԵՏՐՈՍՅԱՆ