Շվեդիայի մայրաքաղաքում վերջերս բացվել է Հայ մարմնամարզական ընդհանուր միության Ստոկհոլմի մասնաճյուղի ակումբը, որը ծառայելու է հայկական ոգին վառ պահելու տեղի հայ համայնքի երիտասարդների շրջանում, տեղեկացնում է այդ առիթով խմբագրությանը հասցեագրված մամլո հաղորդագրությունը: 150 հյուրերի ներկայությամբ ակումբի բացման եւ ժապավենը կտրելու արարողությունը հանձնարարվել է ՀՄԸՄ-ի հավատարիմ անդամներից պրն Հրաչ Մարությանին: Ելույթ է ունեցել պրն Հակոբ Մարտիրոսյանը, որն իր խոսքում նշել է, որ ակումբը կրելու է Արցախյան պատերազմում զոհված Շահեն Մեղրյանի անունը:
ՀԱԿՈԲ ԾՈՒԼԻԿՅԱՆ