Հունիսի 21-30-ը Դիլիջանում եւ Երեւանում կայացավ հեղինակային երգի «Ոսկե կիթառ-2007» հանրապետական երկրորդ փառատոնը: Նպատակն էր նպաստել հեղինակային երգի ժանրի զարգացմանը, մարզերում մշակութային կյանքի ակտիվացմանը, լավագույն երգերի մասսայականացմանը, հեղինակ-կատարողների միջեւ ստեղծագործական շփումների ակտիվացմանն ու փորձի փոխանակմանը եւ այլն: Փառատոնի մասնակցության 35 հայտերից ընտրվել է 21-ը: Մասնակիցների համար վարպետության դասեր անցկացրեցին անվանի եւ երկարամյա փորձ կուտակած երաժիշտներ, երգահաններ եւ կոմպոզիտորներ:
ՀՀ մշակույթի նախարարության, «Օվացիա» պրոդյուսերական կենտրոնի եւ մշակույթի զարգացման բարեգործական հիմնադրամի նախաձեռնած փառատոնն ավարտվեց ու ի հայտ եկան հեղինակային երգի շնորհալի ստեղծագործողներ, կատարողներ:
ՄԱՐԻԵՏԱ ՄԱԿԱՐՅԱՆ