Բնության պետական թանգարանում երեկ ներկայացվեց Բոստոնի Թաֆթս համալսարանի հայ արվեստի, մշակույթի եւ ճարտարապետության ամբիոնի վարիչ Լյուսի Տեր-Մանուելյանի «Քրիստոնեության կորսված արժեքները» ֆիլմը, որը ցուցադրվել է ամերիկյան 58 մասնավոր հեռուստաընկերություններով: Հայկական մշակույթի, պատմության, ճարտարապետության եւ հուշարձանների մասին պրոֆեսոր Լյուսի Տեր-Մանուելյանը դասախոսություններ է կարդացել անգամ Ամերիկայի խաղաղապահ կորպուսի ջոկատների համար: Պրոֆեսոր Լյուսի Տեր-Մանուելյանը դրամաշնորհ է շահել եւ այդ գումարով վերակառուցել 5 եկեղեցիներ:
Ֆիլմի ներկայացումից առաջ պրոֆեսորը նշեց, որ հայերը մեծ դերակատարություն են ունեցել համաշխարհային քաղաքակրթության մեջ:
Եռօրյա այցով Հայաստան ժամանած պրոֆեսորն այդպես էլ չկարողացավ իր պատրաստած դասախոսությունը տեղ հասցնել, քանի որ ամբողջ հանդիպումն անգլերեն լեզվով էր, իսկ հայերեն թարգմանության մասին էլ հանդիպման կազմակերպիչները չէին հոգացել:
Գ. Գ.