ՖԻՖԱ-ն հրապարակել է ազգային հավաքականների դասակարգման հերթական վարկանիշային ցուցակը: Հայաստանի ազգային հավաքականը նախորդ ամսվա համեմատ ցուցակում 2 հորիզոնական նահանջել է եւ 396 վարկանիշով զբաղեցնում է 81-րդ տեղը: 2 հորիզոնականով նահանջ է ապրել նաեւ Պորտուգալիայի ընտրանինՙ եզրափակելով լավագույն տասնյակը: Ընտրական մրցաշարում ՀՀ հավաքականի մյուս մրցակիցները զբաղեցնում են հետեւյալ դիրքերը. Սերբիա (18-րդ տեղ, -1), Լեհաստան (20-րդ, +1), Ֆինլանդիա (38-րդ, +3), Բելգիա (69-րդ, +1), Ադրբեջան (107-րդ, +2), Ղազախստան (115-րդ, +3):
Ամենամեծ առաջընթացն ունեցել է Իրաքի հավաքականը, որը վերջերս դարձել էր Ասիայի գավաթակիր: Իրաքցիները 16 տեղով առաջադիմել ենՙ ներկայում զբաղեցնելով 64-րդ հորիզոնականը: 12 տեղով վեր է բարձրացել Նամիբիայի հավաքականը, 11 տեղովՙ Հնդկաստանի ընտրանին: Իսկ ահա Պանամայի հավաքականը 14 հորիզոնականով նահանջել է:
Լավագույն տասնյակի առաջատար հնգյակի դիրքերն անսասան են մնացել: Տասնյակում ընդգրկվել են չեխերը, որոնք լավագույնների շարքում փոխարինել են մեքսիկացիներին:
Ներկայացնում ենք լավագույն տասնյակի եւ նախկին ԽՍՀՄ հանրապետությունների ցուցանիշները:
| 1. Բրազիլիա | 1508 |
| 2. Արգենտինա | 1491 |
| 3. Իտալիա | 1430 |
| 4. Ֆրանսիա | 1380 |
| 5. Գերմանիա | 1337 |
| 6. Խորվաթիա | 1223 |
| 7. Հոլանդիա | 1211 |
| 8. Իսպանիա | 1165 |
| 9. Չեխիա | 1158 |
| 10. Պորտուգալիա | 1157 |
| 15. Ուկրաինա | 1002 |
| 24. Ռուսաստան | 909 |
| 58. Ուզբեկստան | 508 |
| 69. Բելառուս | 438 |
| 78. Լիտվա | 401 |
| 81. Հայաստան | 396 |
| 103. Վրաստան | 325 |
| 106. Մոլդովա | 292 |
| 107. Ադրբեջան | 290 |
| 110. Լատվիա | 274 |
| 115. Ղազախստան | 251 |
| 125. Էստոնիա | 213 |
| 145. Տաջիկստան | 116 |
| 153. Ղրղըզստան | 97 |
| 172. Թուրքմենստան | 50 |
ԱՇՈՏ ՀԱՅՐԱՊԵՏՅԱՆ