«ԱԶԳ» ՕՐԱԹԵՐԹ

ԱՅՍՕՐ

Ժամը 9:30-ին քաղաքապետարանում Երվանդ Զախարյանը կհանդիպի Նիցայի քաղաքապետ, սենատոր Ժակ Պեյրանի հետ, կստորագրվի համաձայնագիր:

Ժամը 11:00-ին Ժուռնալիստների միությունում Հնագիտության եւ ազգագրության ինստիտուտը կհրավիրի մամուլի ասուլիս:

Ժամը 10.00-ին Նորք-Մարաշի Հովհաննիսյան 10 հասցեումՙ հիգիենիկ եւ հակահամաճարակային տեսչությունում տեղի կունենա սեմինար նվիրված 6-27 տարեկանների կարմրուկ -կարմրախտի դեմ պատվաստումներին:

Ժամը 11.00-ին «Հայացք» ակումբի հյուրն են լինելու Էդուարդ Շարմազանովը եւ Արմեն Մարտիրոսյանը:

Նույն ժամին «Հայելի» ակումբում կհյուրընկալվի Աշոտ Նավասարդյանի կինը` Հասմիկ Նավասարդյանը:

Մեկ ժամ անց «Հայացք» ակումբում լրագրողները կհանդիպեն Ալբերտ Բազեյանի հետ:

Նույն այդ ժամին «Հայելի» ակումբի հյուրերը կլինեն Ռազմիկ Դավոյանը եւ Պարույր Հայրիկյանը:

Ժամը 12:00-ին Ազգային գրադարանում տեղի կունենա Մոնթե Մելքոնյանի ծննդյան 50-ամյակին նվիրված միջոցառում:

Ժամը 16:00-ին Հեռուստատեսության եւ ռադիոյի ազգային հանձնաժողովը նիստ կգումարի:

Իսկ Երեւանի տիկնիկային թատրոնում տեղի կունենա ռոքի միջազգային փառատոնը «Հանուն խաղաղության» խորագրով: Սկիզբը ժամը 12.00-ին:

Նույն այդ ժամին «Արմենիա-Մարիոթ» հյուրանոցի առջեւից Քարակերտ գյուղ կմեկնեն Հայաստանում հավատարմագրված դեսպանների կանանց ասոցիացիայի անդամները: Տեղում նախատեսված է մամուլի ասուլիս:

Արմենպրեսի մամուլի սրահում ժամը 12.00-ին տեղի կունենա ՀՀ կառավարությանն առընթեր ՏՏ զարգացմանն աջակցող խորհրդի անդամների հանդիպումը լրագրողների հետ:

Ժամը 13.00-ին Առնո Բաբաջանյանի անվան համերգասրահում ԿԳ նախարարը կպարգեւատրի Համահայկական երրորդ օլիմպիադայի հաղթողներին:

Նույն այդ ժամին «Փաստարկ» ակումբի հյուրը կլինի Գուրգեն Արսենյանը:

Իսկ «Ուրբաթ» ակումբում ժամը 14.00-ին հնարավոր կլինի հանդիպել Վարդան Բոստանջյանի հետ:

Ժամը 14.00-ին մամուլի ասուլիս Սունդուկյանի թատրոնումՙ 85-րդ թատերաշրջանի բացման եւ մրցանակ շահելու կապակցությամբ:

Իսկ ժամը 19.30-ին Ազգային ժողովի այգում Հայաստանի անկախության տոնին նվիրված «Կենաց» փառատոնի շրջանակներում կսկսվի «Ազգային ժողովը ժողովրդի համար» համերգը: Մուտքն ազատ է, հրավիրվում են բոլոր երաժշտասերները: