Սովորաբար մարզիկները բացի իրենց հիմնական զբաղմունքից, մարզական այլ հետաքրքրություններ էլ ունեն: Օրինակՙ իսպանացի թենիսիստ Ռաֆայել Նադալը ֆուտբոլ է խաղումՙ մարզվելով հորեղբոր, անցյալում հայտնի ֆուտբոլիստ Միգել Անխել Նադալի մոտ: Իսկ ահա Մադրիդի մրցաշարի հաղթող, արգենտինահայ Դավիթ Նալբանդյանը ավտոմրցարշավների մեծ սիրահար է եւ ի զարմանս շատերի, նույնիսկ դրանցից մի քանիսին մասնակցում է:
Վերջերս թենիսիստների դասակարգման ցուցակում 9-րդ տեղը զբաղեցնող Դավիթ Նալբանդյանն ընկերոջՙ պրոֆեսիոնալ ավտոմրցարշավորդ Մարկոս Լիգատոյի հետ մասնակցել է Արգենտինայում մեծ հեղինակություն վայելող մրցումներին: Այդ մրցումներին սովորաբար մասնակցում են հարյուրավոր ավտոսիրողներ 1920-1981-ին արտադրված մեքենաներով:
ԱՇՈՏ ՀԱՅՐԱՊԵՏՅԱՆ