Մոնրեալում լույս տեսնող «Ապագայ» թերթում զետեղված հայտարարությունը տեղեկացնում է, որ Թեքեյան մշակութային միության Մոնրեալի մասնաճյուղի կազմակերպությամբ դեկտեմբերի 7-8-ը Թեքեյան կենտրոնի «Յ. եւ Ս. Արզումանեան» սրահում տեղի է ունեցել Ռոբերտ եւ Արեգ Էլիբեկյանների աշխատանքների ցուցադրություն: Ռոբերտ Էլիբեկյանի արվեստը վաղուց հայտնի է ինչպես Հայաստանի, այնպես էլ սփյուռքի կերպարվեստասերներին: Նրա որդինՙ Արեգ Էլիբեկյանը վաղուց արդեն հաստատվել է Կանադայում եւ հաջողություններ ունեցել արտերկրում: Նրա նկարչությունը ավելի մոտ է ֆրանսիական դպրոցին, եւ Փարիզում կազմակերպվող Արեգի ցուցահանդեսները բավականին հետաքրքրություն են առաջացնում:
Մ. Բ.