Ֆուտբոլի պատմության եւ վիճակագրության միջազգային ֆեդերացիան նաեւ ազգային առաջնությունների դասակարգում է անցկացնում: Ամենաուժեղ առաջնություն է ճանաչվել Անգլիայի պրեմիեր լիգայի մրցաշարը, որը գնահատվել է 1171 միավորով: 2-րդը Իսպանիայի առաջնությունն է (1074): Այնուհետեւ գալիս են Իտալիայի (1027), Բրազիլիայի (954), Արգենտինայի (852), Գերմանիայի (839), Ֆրանսիայի (761), Մեքսիկայի (734), Կոլումբիայի (666) եւ Պորտուգալիայի (643,5) առաջնությունները:
Հայաստանի այս տարվա առաջնությունը (288 միավոր) ճանաչվել է 58-րդը: Նախկին ԽՍՀՄ հանրապետությունների առաջնություններից լավագույնը Ռուսաստանինն էՙ 577,5 միավոր (13-րդ տեղ): 14-րդ տեղում Ուկրաինայի առաջնությունն է (570,5): Լիտվայի առաջնությունը 45-րդն է (336): 47-րդ եւ 48-րդ տեղերում են Ուզբեկստանի (333,5) եւ Մոլդովայի (328) առաջնությունները: Համեմատության համար նշենք, որ Վրաստանի առաջնությունը 74-րդն է (259), իսկ Ադրբեջանի առաջնությունը 100-րդ տեղում է (166):
ԱՇՈՏ ՀԱՅՐԱՊԵՏՅԱՆ