Ամերիկայում գործող «Դրամատիկական արվեստների հայկական դաշինք» (ADAA) կազմակերպության հունվարի 8-ի հաղորդագրությունը տեղեկացնում է, որ Սարոյանի անվան լավագույն պիեսի մրցանակաբաշխությանը մասնակցելու վերջնաժամկետը փետրվարի 15-ն է: Մասնակցել կարող են հայ եւ օտար թատերագիրներ, բայց պարտադիր պայման է, որ պիեսը արտացոլի հայկական թեմա: Մասնակցողները պիեսից 4 օրինակներ, մեկ համառոտագրություն, կենսագրական տվյալներ (ռեզյումե), մասնագետի կողմից խմբագրված լինելու ապացույց եւ 20 դոլարի չեկ Armenian Dramatic Arts Alliance-ի անունով, պետք է ուղարկեն հետեւյալ հասցեով.
ADAA/WILLIAM SAROYAN COMPETITON, 20 Concord Lane Cambridge, MA 02138
10 հազար դոլարի մրցանակ ստացողի անունը հրապարակվելու է Գլենդեյլում 2008-ի օգոստոսի 23-ին տեղի ունենալիք ամփոփիչ գալա համերգի ժամանակ:
Հավելյալ մանրամասնությունների համար ցանկացողները կարող են դիմել www.armeniandrama.org կայքին:
Հ. Ծ.