Ըստ «Ազատություն» ռադիոկայանի վրացական մամուլը հայտնել է, որ մեսխեթցի թուրքերի հայրենադարձությունը սկսվել է: Ըստ «Կովկասպրես»-իՙ փախստականների նախարարությունն ակնկալում է, որ մոտ 90 հազար մարդ ցանկություն կհայտնի վերադառնալու այն վայրերը, որտեղից մեսխեթցի թուրքերը տեղահանվել էին 1944 թվականին: Ըստ վրացական աղբյուրներիՙ միջնորդները արդեն սկսել են ցածր գներով տներ գնել Ջավախքումՙ մեսխեթցի թուրքերին վերավաճառելու նպատակով: Ջավախքի հայ բնակչությունը ընդդիմանում է մեսխեթցի թուրքերի վերադարձինՙ հնարավոր ազգամիջյան հակամարտության վտանգի պատճառով: