Ստամբուլի դատարանում սկսվել է «Ակօս» շաբաթաթերթի խմբագրապետ Հրանտ Դինքի սպանության գործի 3-րդ դատալսումը: Հաղորդվում է, որ դատարանի առջեւ կկանգնեն 19 մեղադրյալներ, որոնցից 8-ի նկատմամբ խափանման միջոց է ընտրվել կալանքը: Ինչպես հաղորդում է «Հյուրիեթ» օրաթերթը, Դինքի սպանության գործի դատալսմանը հետեւելու համար Ստամբուլ է ժամանել Մարդու իրավունքների միջազգային ֆեդերացիայի պատվիրակությունը: Կառույցի գլխավոր քարտուղարը հայտարարել է, որ «Դինքի սպանության գործի դատաքննությունը Թուրքիայի համար քննություն է մարդու իրավունքների տեսանկյունից»: