Ֆուտզալի Հայաստանի հավաքականը այսօր Ադրբեջանի ֆուտբոլիստների հետ հանդիպումով կսկսի իր մրցելույթներն աշխարհի առաջնության ընտրական մրցաշարում: Մեր հավաքականն ընդգրկվել է ընտրական 6-րդ խմբում, որտեղ նրա մրցակիցներն են նաեւ Չեխիայի եւ Ֆինլանդիայի հավաքականները: Հանդիպումներն անցկացվելու են Չեխիայում: Փետրվարի 29-ին մեր հավաքականը կմրցի չեխերի հետ, իսկ մարտի 2-ին հայ ֆուտբոլիստների մրցակիցը կլինի Ֆինլանդիայի ընտրանին:
Մինչ մրցավայր մեկնելը ՀՀ հավաքականն ուսումնամարզական հավաք է անցկացրել Երեւանում: Հավաքականի գլխավոր մարզիչ Ռուբեն Նազարեթյանը թիմում ընդգրկել է հետեւյալ 14 ֆուտբոլիստներինՙ Էռնեստ Ակոպովին, Արտակ Հարությունյանին, Հակոբ Լոբասյանին, Արթուր Կարապետյանին, Վլադ Մխիթարյանին, Սարո Մարդանյանին, Արմեն Դանիելյանին, Արմեն Գյուլամբարյանին, Ռոմիկ Սիմոնյանին, Էդգար Կիրակոսյանին, Արման Սահակյանին, Գրիգոր Կապուկրանյանին, Խորեն Զարգարյանին եւ Արմեն Սանամյանին:
Ֆուտզալի աշխարհի առաջնության եզրափակիչ փուլն անցկացվելու է այս տարվա հոկտեմբերի 4-19-ը Բրազիլիայում:
ԱՇՈՏ ՀԱՅՐԱՊԵՏՅԱՆ