Կիպրոսում ուսումնամարզական 2-րդ հավաքն անցկացնող «Բանանցի» ֆուտբոլիստները ստուգողական խաղում 0-1 հաշվով զիջել են տեղի առաջնությունում 10-րդ տեղում ընթացող ԱԼԿ թիմին: Ընդ որում, մրցակիցը «Բանանցի» դարպասը գրավել է խաղավարտից 3 րոպե առաջ: Այս խաղն արտերկրի թիմերի հետ «Բանանցի» անցկացրած 6-րդ հանդիպումն էր, որոնցում թիմը պարտություններ է կրել:
«Բանանցը» հրաժարվել է բրազիլացի երկու հարձակվողներից, փոխարենը փորձարկում է բուլղարացի ֆուտբոլիստի: Առայժմ խաղերին չեն մասնակցում վնասվածք ունեցող Արամ Բարեղամյանը, Արսեն Բալաբեկյանը, Արտաշես Բաղդասարյանն ու Էդուարդ Կակոսյանը:
ԱՇՈՏ ՀԱՅՐԱՊԵՏՅԱՆ