Կանադայի հայկական եկեղեցական թեմի առաջնորդ Բագրատ եպիսկոպոս Գալստանյանի բարձր հովանավորությամբ եւ ՀԲԸՄ-ի Տորոնտոյի մասնաճյուղի եւ Թագուհի-Հովակիմյան վարժարանի նախկին ուսանողների կազմակերպությամբ մարտի 30-ին հոգեհանգստյան պաշտոն կկատարվի Սուրբ երրորդություն հայկական եկեղեցում, որից հետո նաեւ ընդունելություն Սքարբորոյի Մակարոս Արթինյան դահլիճում, նվիրված վաստակաշատ կրթական մշակ, անձնուրաց հայրենասեր եւ ՀԲԸՄ-ի Բեյրութի Հովակիմյան-Մանուկյան եւ Թագուհի Հակոբյան վարժարանների տնօրեն Արա Թոփչյանի հիշատակին, տեղեկացնում է այդ առթիվ խմբագրությանը հասցեագրված հաղորդագրությունը: «Պարոն Թոփչյանը իր անձնական օրինակով էր դաստիարակում ուսանողներին, որոնք հիմա սփռված են աշխարհով մեկ: Այս հոգեհանգիստը առիթ է նաեւ հիշելու մեր բոլոր նվիրյալ դաստիարակներին եւ ուսուցիչներին, որոնք բարձր են պահել հայկական դպրոցի դերը սփյուռքում», ասված է հաղորդագրության մեջ:
Հ.Ծ.