Հայաստանի ձյուդոյի պատանեկան հավաքականը հաջող մրցելույթներ ունեցավ Ստամբուլում կայացած միջազգային մրցումներում: Տատամի դուրս եկած 17 ձյուդոյիստներից հինգը դարձան մրցանակակիր:
Առավել հաջող հանդես եկավ Անդրանիկ Չափարյանը: Մինչեւ 66 կգ քաշային կարգում Անդրանիկը հաղթելով բոլոր մրցակիցներին, կանգնեց պատվո պատվանդանի վերին աստիճանին: Մեր մյուս չորս մարզիկները դարձան բրոնզե մեդալակիր: Մեդալների արժանացան Վարդուհի Բաբայանը (48 կգ), Աշոտ Ղազարյանը (60 կգ), Արման Սողոմոնյանը (73 կգ) եւ Ազատ Աբրահամյանը (90 կգ-ից բարձր):
ԱՇՈՏ ՀԱՅՐԱՊԵՏՅԱՆ