Ինչպես նշում են տեղի հայկական կայքէջերը, Նիդեռլանդների Հայկական կազմակերպությունների միության ապրիլքսանչորսյան հանձնաժողովը կհանձնի Ռոբերտ Ֆիսքի Հայոց ցեղասպանության մասին «Առաջին Հոլոքոսթը» գրքի հոլանդերեն թարգմանությունըՙ Հոլանդիայի խորհրդարանի եվրոպական հարցերի եւ արտաքին գործերի մշտական հանձնաժողովներին: Գրքի հետ խնդրագիր կներկայացվի Հոլանդիայի խորհրդարանական հանձնաժողովներին Թուրքիայում մարդու իրավունքների, խոսքի ազատության եւ փոքրամասնությունների իրավունքների խախտումների, ինչպես նաեւ հայերի եւ Թուրքիայի այլ քաղաքացիների նկատմամբ շարունակական հետապնդումների վերաբերյալ: Խնդրագրում նաեւ նշվում է, որ ոչ մի առաջընթաց չկա Թուրքիայի կողմից անցյալը, հատկապես Հայոց ցեղասպանությունը ճանաչելու հարցում, հաղորդում է «Նոյյան տապանը»: