Մայիսի 6-9-ը Իտալիայի Սենեգալիա քաղաքում կայացած «Եվրոպա եւ անդին» միջազգային կրթական կոնգրեսին, ի թիվս 40 երկրների, մասնակցել են նաեւ մեր երկրի կրթական հաստատությունների ներկայացուցիչները: Մեր հանրապետությունը ներկայացնելու պատիվը վստահված էր Հայաստանի Եվրոպական շարժմանը, որը կոնգրեսի մասնակիցներ էր ընտրել Հայաստանի լավագույն դպրոցականի եւ լավագույն ուսանողուհու: Կոնգրեսը բացառիկ հնարավորություն էր մասնակից երկրների ներկայացուցիչներին ծանոթացնելու եվրոպական դպրոցի նոր մոդելին, որի հիմքում կրթական եւ տեղեկատվական բարձր տեխնոլոգիաներն են: Եվրոպական դպրոցը նպաստելու է եվրոպական բոլոր երկրների միջնակարգ կրթության համակարգերի ինտեգրմանըՙ միասնական չափորոշիչների սահմանման եւ հասանելիության ապահովման միջոցով: Հայաստանի ներկայացուցիչները պատվով եւ մեծ պատասխանատվությամբ ներկայացրեցին մեր հանրապետության կրթական համակարգը Եվրոպայի կրթական հաստատությունների շարքում: