Անգլիայի չեմպիոն ու չեմպիոնների գավաթակիր «Մանչեսթր Յունայթեդն» արդեն 3 ամիս գլխավորում է աշխարհի 350 ուժեղագույն ակումբների ցանկը: Նախորդ ամսվա համեմատ 2-րդ հորիզոնականում տեղ է զբաղեցրել Լոնդոնի «Չելսին»: Իսկ 2-րդ տեղը զբաղեցնող «Բոկա Խունիորսը» նահանջել է 9-րդ հորիզոնական: Լավագույն տասնյակի կազմը մնացել է անփոփոխ: Փոփոխություններ են տեղի ունեցել միայն տասնյակի ներսում:
Ինչպես եւ նախորդ ցուցակում, այս անգամ էլ Հայաստանը ներկայացնում են «Միկան» ու «Փյունիկը»: «Միկան» 9 հորիզոնականով բարձրացել է եւ այժմ 74 վարկանիշով զբաղեցնում է 249-րդ տեղը: Իսկ ահա «Փյունիկը» 5 հորիզոնականով նահանջել էՙ 62,5 վարկանիշով հանգրվանելով 342-րդ տեղում:
Նախկին ԽՍՀՄ հանրապետությունների թիմերից լավագույն ցուցանիշն ունի ՌԴ չեմպիոն եւ ՈւԵՖԱ-ի գավաթակիր «Զենիթը», որը չորս տեղով նահանջել եւ զբաղեցնում է 26-րդ հորիզոնականը: 100 լավագույն ակումբների շարքում տեղ են զբաղեցնում նաեւ Դոնեցկի «Շախտյորը» (36-րդ տեղ), Մոսկվայի «Սպարտակը (65-րդ տեղ), Տալլինի «Լեւադիան» (74-րդ տեղ) եւ Կիեւի «Դինամոն» (77-րդ տեղ):
Ներկայացնում ենք լավագույն տասնյակի ցուցանիշները:
| 1. «Մանչեսթր Յունայթեդ» | Անգլիա | 286 |
| 2. «Չելսի» | Անգլիա | 258 |
| 3. «Բավարիա» | Գերմանիա | 252 |
| 4. «Գլազգո Ռեյնջերս» | Շոտլանդիա | 251,5 |
| 5. «Բարսելոն» | Իսպանիա | 251 |
| 6. «Ռոմա» | Իտալիա | 248 |
| 7. «Լիվերպուլ» | Անգլիա | 243 |
| 8. «Արսենալ» | Անգլիա | 237 |
| 9. «Բոկա Խունիորս» | Արգենտինա | 231 |
| 10. «Ինտեր» | Իտալիա | 226 |
ԱՇՈՏ ՀԱՅՐԱՊԵՏՅԱՆ