Սեւան-Հրազդան էներգետիկ, ինքնահոս եւ ոռոգման մեխանիկական համակարգերից սնվող հողատարածքների ոռոգումն ապահովելու նպատակով, կառավարության երեկվա որոշմամբ լճից ջրառի ծավալն ավելացվեց 20 մլն խմ-ով եւ տարեկան վերցվող ջրաքանակ սահմանվեց 170 մլն խմ-ն: Նիստի ժամանակ նշվեց, որ դա հիմնականում պայմանավորված է Հրազդան գետով նախատեսված բնական ելքերի նվազմամբ, Ապարանի ջրամբարից տրվելիք դոտացիայի անհնարինությամբ եւ ջրապահանջարկի ավելացմամբ: Իսկ այս տարի, ԱԺ որոշմամբ, ոռոգման շրջանի ընթացքում Սեւանա լճից թույլատրվել է վերցնել մինչեւ 240 մլն խմ ջուր: