«Միասնական Ջավախք» ժողովրդավարական դաշինքից հաղորդում են, որ Վահագն Չախալյանի եւ նրա հոր ու անչափահաս եղբոր ձերբակալությամբ անհանգստացած եւ նրանց պաշտպանության քայլեր ձեռնարկելու համար ստեղծվել է «Ի պաշտպանություն Վահագն Չախալյանի եւ նրա հարազատների» հասարակական հանձնախումբ: Վերջինս իր վրդովմունքն է հայտնել Վ. Չախալյանի եւ նրա ընտանիքի անդամների, օրենքի կոպիտ խախտումներով կատարված, ձերբակալությունների, մի քանի ժամ անց Ախալցխա, ապա Թբիլիսի տեղափոխելու հանգամանքով: Հանձնախումբը հայտարարել է, որ վճռականորեն պայքարելու է Վ. Չախալյանի եւ նրա հարազատների դեմ քրեական գործ հարուցած վրացական իշխանությունների եւ Ջավախքում հակահայ գործողություններ իրականացնողների ուժային ճնշումներին վերջ տալու համար: Հաղորդվում է, որ Չախալյաններին ձերբակալելուց հետո կալանավորվել են դաշինքի 5 անդամներ, որոնց մի մասին հետո ազատ են արձակել, բացառությամբ Արամ Բատոյանի: