Օգոստոսի 24-ին Նովոկուզնեցկ քաղաքի հայ համայնքում օծվեց արդեն մի քանի տարի կառուցվող Սուրբ Գրիգոր Լուսավորիչ եկեղեցին: Պաշտոնական տվյալներով` այդ տարածաշրջանում բնակվում են ավելի քան տասներկու հազար հայեր, ովքեր վերջապես ունեցան իրենց աղոթքի տունը: Նոր Նախիջեւանի եւ Ռուսաստանի հայոց թեմի մամլո դիվանի հաղորդմամբ` եկեղեցու օծման արարողության համար Նովոկուզնեցկ էին այցելել Նոր Նախիջեւանի եւ Ռուսաստանի հայոց թեմի առաջնորդ Եզրաս եպիսկոպոս Ներսիսյանն ու Մոսկվայի, Կրասնոյարսկի ու Բառնաուլի հոգեւոր հովիվները, ովքեր նախ օծեցին գմբեթի հինգ խաչերը, իսկ պատարագից հետո օծվեց ու սրբագործվեց նաեւ տաճարը: Արարողությանը մասնակցում էին ռուս ուղղափառ ու կաթոլիկ եկեղեցիների եւ մահմեդական համայնքների բազմաթիվ ներկայացուցիչներ:
Հ. Հ.