Կառավարության որոշմամբ երեկ Գրիգոր Լուսավորչի 4 հասցեով 1,3881 հա հողամասը եւ դրանում տեղակայված 9018,6 քմ. մակերեսով շենքը եւ 615,6 քմ մակերեսով շինությունները նվիրաբերվեցին Երեւանի քաղաքապետարանինՙ Երեւան քաղաքի փոքր կենտրոնը տրանսպորտային միջոցների կայանումից ազատելու եւ ստացիոնար կայանատեղեր ապահովելու, ինչպես նաեւ ավտոկայանատեղի եւ նոր հեծանվահրապարակ կառուցելու նպատակով: Ընդունվեց նաեւ իտալական «Ռենկո» կազմակերպության առաջարկությունը` Երեւան քաղաքում նոր հեծանվահրապարակ եւ Ազատության հրապարակում ստորգետնյա ավտոկայանատեղի կառուցելու ներդրումային ծրագրի վերաբերյալ: