Լեւոն Արոնյանը պարտությամբ սկսեց Բիլբաոյում մեկնարկած «Մեծ սաղավարտ» մրցանակի շարքի մրցաշարը: Հայ շախմատիստի մրցակիցը նորվեգացի Մագնուս Կառլսենն էր: Սպիտակներով խաղացող Արոնյանը 51-րդ քայլին ստիպված էր հանձնվել: Տուրի մյուս երկու պարտիաներում մրցակիցները հաշտություն կնքեցին: Թեյմուր Ռաջաբովն ու Վեսելին Թոփալովը միավորը բաժանեցին 49-րդ քայլում, իսկ Վիշվանաթան Անանդն ու Իվանչուկը հաշտություն կնքեցին 58-րդ քայլին:
Այսպիսով, մեկնարկում Մագնուս Կառլսենը գլխավորեց աղյուսակը: Հիշեցնենք, որ Բիլբաոյի մրցաշարում միավորների հաշվարկն այլ է: Հաղթանակի համար տրվում է 3, ոչ-ոքիի դեպքումՙ մեկ միավոր: Այնպես որ Կառլսենի օգտին 3 միավոր է գրանցված, Արոնյանը միավոր չունի, իսկ մյուս չորս շախմատիստները վաստակել են մեկական միավոր:
ԱՇՈՏ ՀԱՅՐԱՊԵՏՅԱՆ