Երեկ Ֆրանսիայի եւ Ռուսաստանի նախագահները ստորագրել են մի փաստաթուղթ, որի համաձայն ռուսական զորքերը հետ են քաշվում, այսպես կոչված, անվտանգության գոտուց եւ այդ տեղը զբաղեցնում են ԵԱՀԿ-ի դիտորդական խմբերը: Ռուսական բանակը, սակայն մնում է Աբխազիայի եւ Հարավային Օսիայի տարածքում, իսկ անկախություն ստացած այդ տարածքների կարգավիճակի հարցը քննարկվելու է Ժնեւում: Նիկոլա Սարկոզին հայտնել է նաեւ, որ Դմիտրի Մեդվեդեւին է փոխանցել Միխեիլ Սաակաշվիլու նամակն այն մասին, որ վերջինս պարտավորվում է ուժ չկիրառել: