«ԱԶԳ» ՕՐԱԹԵՐԹ

ՄՅՈՒՌՈՆՕՐՀՆԵՔԻ ԱՌԻԹՈՎ ՆԱԽԱՏԵՍՎԱԾ ՄԻՋՈՑԱՌՈՒՄՆԵՐ

Ս. Էջմիածնում սրբալույս մյուռոնի օրհնությանը նվիրված նախատեսվել են մի շարք հիմնական միջոցառումներՙ

26 սեպտեմբերի. ժամը 11-ին տեղի կունենա «Շողակաթ» հեռուստաընկերության նոր շենքի բացումը, իսկ 16-ին Մայր աթոռի Ս. Վարդան եւ Ս. Հովհաննես Մկրտիչ մատուռ-մկրտարանի օծման արարողությունըՙ հանդիսապետությամբ Գարեգին Բ Ամենայն հայոց կաթողիկոսի:

27 սեպտեմբերի. հոգեհանգստյան կարգ տեղի կունենա Ծիծեռնակաբերդի հուշահամալիրում ժամը 11-ին, իսկ 17-ինՙ Էկումենիկ աղոթք Երեւանի Ս. Գրիգոր Լուսավորիչ մայր եկեղեցում:

28 սեպտեմբերի. ժամը 10.30-ին Մայր աթոռ Ս. Էջմիածնում մյուռոնօրհնեքի առիթով սուրբ պատարագ, իսկ 17-ինՙ մյուռոնօրհնեքը ձեռամբ Գարեգին Վեհափառ հայրապետի եւ 12 եպիսկոպոսների:

29 սեպտեմբերի. ժամը 19-ին Երեւանի Ալ. Սպենդիարյանի անվան օպերայի եւ բալետի ազգային ակադեմիական թատրոնում «Անուշ» օպերայի բեմադրությունըՙ մասնակցությամբ կանադահայ հանրահայտ երգչուհի Ալին Գութանի:

Մ. Մ.