Ամենայն հայոց կաթողիկոսի օրհնությամբ լույս է տեսել Մայր աթոռի էկումենիկ ու միջեկեղեցական կյանքը լուսաբանող «Ծառայության մեջ եւ եղբայրությամբ» հայերեն եւ անգլերեն լեզուներով պատկերազարդ գիրքը: Այն անդրադառնում է արդի շրջանում Հայ եկեղեցու միջեկեղեցական հարաբերություններին ու Գարեգին Բ Ամենայն հայոց հայրապետի գահակալության շրջանում Մայր աթոռի միջեկեղեցական գործունեությանը: Գրքի գլխավոր խմբագիրը Մայր աթոռի միջեկեղեցական հարաբերությունների պատասխանատու Եզնիկ արքեպիսկոպոս Պետրոսյանն է, հեղինակը` Մայր աթոռի միջեկեղեցական հարաբերությունների գրասենյակի վարիչ Հովակիմ վարդապետ Մանուկյանը: Անգլերեն թարգմանել է Մայր աթոռի միաբան Վահան ծ. վրդ. Հովհաննիսյանը: