Իսպանիայում մեկնարկել է ֆուտբոլի Եվրոպայի պատանեկան (մինչեւ 17 տարեկաններ) առաջնության ընտրական մրցաշարի 13-րդ խմբի մրցավեճը չորս հավաքականի միջեւ: Հայաստանի հավաքականի մեկնարկը խոստումնալից է: Մեր պատանիներին հաջողվեց Անգլիայի հավաքականի հետ խաղում դարպասն անառիկ պահել: Գրանցվեց գոլազուրկ ոչ-ոքի: Այդ խաղում մեր հավաքականը հանդես եկավ հետեւյալ կազմով.
Տիգրան Դավթյան, Ռաֆայել Ներսիսյան, Վարազդատ Հարոյան, Վաչիկ Եղիազարյան, Սեդրակ Շահբազյան, Գեւորգ Հ. Օհանյան (Գոռ Գուգուջյան, 55), Գեւորգ Կ. Օհանյան (Արգիշտի Պետրոսյան, 60), Դավիթ Սուջյան, Կամո Հովհաննիսյան, Գրիշա Խաչատրյան, Վալտեր Պողոսյան (Արտուշ Քերոբյան, 75):
Մեկնարկային տուրի մյուս խաղում Իսպանիայի հավաքականը 6-0 հաշվով պարտության մատնեց էստոնացիներին: Իսպանացիները հաղթողի գլխավոր հավակնորդներն են: Նրանց հետ մեր ֆուտբոլիստների հանդիպումը կկայանա այսօր: Իսկ հոկտեմբերի 27-ին ՀՀ հավաքականը կմրցի էստոնացիների հետ: Նշենք, որ ընտրական մրցաշարում խաղարկվում է հաջորդ փուլի 2 ուղեգիր:
ԱՇՈՏ ՀԱՅՐԱՊԵՏՅԱՆ