ԵԱՀԿ Մինսկի խմբի ամերիկացի համանախագահ Մեթյու Բրայզան «Թրենդի» հետ հեռախոսազրույցում հայտարարել է, որ «Ադրբեջանի եւ Հայաստանի նախագահների միջեւ վստահությունն աճում Է, եւ օբյեկտիվ փաստերն այնպիսին են, որ ղարաբաղյան հակամարտության լուծման գործում լուրջ առաջընթացը հնարավոր է առաջիկա մի քանի ամսվա ընթացքում»: Բրայզան նշել է, որ ԵԱՀԿ մշտական խորհրդի հինգշաբթի օրվա նիստում համանախագահները կազմակերպության անդամ երկրներին տեղեկացրել են նոյեմբերի 2-ին Մոսկվայում Հայաստանի, Ադրբեջանի եւ Ռուսաստանի նախագահների միջեւ կայացած դրական ու կառուցողական հանդիպման մասին, հաղորդում է «Նոյյան տապանը»: