Թուրքական լրատվական բոլոր միջոցները հրապարակել են Հայոց ցեղասպանությունը ճանաչելու կոչով Հայաստանի 300 մտավորականների ստորագրությամբ Թուրքիայի նախագահ Աբդուլլահ Գյուլին հղած նամակը: Մասնավորաբար, թուրքական NTV հեռուստատեսությունը մեջբերել է հայ մտավորականների այն պնդումը, որ «Անկարան պետք է ընդունի Օսմանյան Թուրքիայի մեղքը հանրապետական Թուրքիային ժառանգություն մնալու իրողությունը» եւ, որ «թուրքական դիվանագիտությունը չի կարող մոռացնել տալ 1915-ի սեւ էջերը»: Թուրքական լրատվական աղբյուրները մեջբերել են նաեւ նամակի այն տողերը, որ «Թուրքիա-Հայաստան հարաբերությունների նորմալացման կարեւորությունն ի հայտ բերած զարգացումները Հարավային Կովկասում հանդիպել են հատկապես Հայոց ցեղասպանության հետ կապված խոչընդոտներին», հաղորդում է «Արմենպրեսը»: