Հայկական կողմը հաստատում է մասնակցությունը Անկարայում հունվարի վերջին ծրագրվող քննարկմանը` Կովկասում անվտանգության եւ կայունության պլատֆորմի ստեղծման վերաբերյալ: Ինչպես «Արմենպրեսին» տեղեկացրեց ՀՀ արտաքին գործերի նախարարության մամուլի եւ տեղեկատվության վարչության պետի պաշտոնակատար Տիգրան Բալայանը, Հայաստանը թուրքական կողմից ստացել է հրավերՙ մասնակցելու այդ հանդիպմանը: Նախորդ հանդիպումը կայացել էր Հելսինկիում դեկտեմբերին, ԵԱՀԿ ԱԳ նախարարների տարեկան հերթական հավաքի շրջանակներում ԱԳ նախարարության համապատասխան վարչության պետերի մակարդակով: Դեռեւս հստակեցված չէ, թե ինչ մակարդակով է հրավիրվելու հանդիպումը: