Հունվարի 26-ին մեկնարկող Եվրոխորհրդի խորհրդարանական վեհաժողովի ձմեռային նստաշրջանի հիմնական թեմաները վերաբերելու են Գազայում ստեղծված իրավիճակին, միջազգային ֆինանսական ճգնաժամին եւ ռուս-վրացական պատերազմի հետեւանքների մասին 1633 բանաձեւի կատարմանը: Այս մասին «Արմենպրեսին» հայտնեցին Եվրոխորհրդի մամուլի ծառայությունից: Հայաստանի կողմից ԵԽԽՎ 1609 եւ 1620 բանաձեւերի պահանջների կատարմանը վեհաժողովը կանդրադառնա հունվարի 27-ի նիստում, եւ այդ օրվա նիստը կսկսվի հենց Հայաստանի հարցի քննարկումով: