Հունվարի 19-ին աշխատանքային այցով Հայաստան կժամանի Եվրոպական միության արտաքին հարաբերությունների եւ Եվրոպական հարեւանության քաղաքականության հարցերով հանձնակատար Բենիտա Ֆեռերո-Վալդների գլխավորած պատվիրակությունը: Ինչպես «Արմենպրեսին» տեղեկացրին ՀՀ ԱԳՆ մամուլի եւ տեղեկատվության վարչությունից, նախատեսված են պատվիրակության հանդիպումները Հայաստանի նախագահ Սերժ Սարգսյանի եւ արտգործնախարար Էդվարդ Նալբանդյանի հետ: Է. Նալբանդյանի եւ Բենիտա Ֆեռերո-Վալդների հանդիպումը կկայանա հունվարի 19-ին, որից անմիջապես հետո ԱԳՆ սրահում տեղի կունենա նրանց համատեղ մամուլի ասուլիսը: