Հոլանդական Վեյք ան Զեե քաղաքում մեկնարկել է շախմատի ավանդական մրցաշարը, որն անցկացվում է 71-րդ անգամ: 14 գրոսմայստերների մրցաշարը ՖԻԴԵ-ի 19-րդ կարգի է: Մասնակիցների թվում են հայ գրոսմայստերներ Լեւոն Արոնյանն ու Սերգեյ Մովսիսյանը:
Վերջին երկու տարիների մրցաշարի հաղթող Լեւոն Արոնյանը մեկնարկային տուրերում հաշտություն կնքեց չին շախմատիստ Վան Յուեյի եւ ադրբեջանցի Թեյմուր Ռաջաբովի հետ: Մովսիսյանի մեկնարկն ավելի հաջող էր: Նա առաջին տուրում սեւերով ոչ-ոքի խաղաց հոլանդացի Դանիել Սթելվագենի հետ, իսկ ահա հաջորդ տուրում սպիտակներով հաղթեց անգլիացի Մայքլ Ադամսին: Սերգեյ Մովսիսյանը 1,5 միավորով Սերգեյ Կարյակինի եւ Յան Սմիթսի հետ գլխավորում է աղյուսակը: