Երեկ ուշ երեկոյան «Ազգին» հայտնի դարձավ, որ սպանվել է փոխոստիկանապետ Գեւորգ Մհերյանը : Շտապօգնության օպերատիվ ծառայության ավագ բժշկուհի Լիլյա Պողոսյանի փոխանցմամբ, փետրվարի 3-ին, ժամը 20:22-ին ահազանգ է ստացվել Բարբյուսի 63, բնակարան 26 հասցեիցՙ հրազենային կրակոցից մահացած մարդու մասին: Դեպքի վայր է ժամանել շտապօգնության թիվ 4 բրիգադըՙ Իրինա Մկրտչյանի գլխավորությամբ եւ հայտանբերել Գ. Մհերյանի դիակը շենքի 7-րդ հարկի աստիճանավանդակի վրա, վերելակի մոտ: Վերջինս մահացել է գլխին արձակած դիմահար կրակոցներից: Դեպքի վայրում հայտնաբերվել է 6 պարկուճ, սակայն զենք չի հայտնաբերվել: Դեպքի վայր են ժամանել Հայաստանի իրավապահ համակարգի ողջ ղեկավար կազմը:
1975-ի նոյեմբերի 26-ին ծնված Գեւորգ Մհերյանը 2008-ի հուլիսի 2-ից զբաղեցնում էր Հայաստանի փոխոստիկանապետի պաշտոնը, մինչ այդ նա հանրապետության նախագահի օգնականն էր: Նա հիշյալ բնակարան էր տեղափոխվել վերջերս: Կինը հղի է: Դեպքի այլ մանրամասների մասինՙ ավելի ուշ:
ՄԱՐԻԵՏԱ ՄԱԿԱՐՅԱՆ