Ղարաբաղա-ադրբեջանական զորքերի շփման գոտու որոշ հատվածներում փետրվարի 2-ի լույս 3-ի գիշերը եւ երեկ ցերեկը ադրբեջանական կողմը խախտել է հրադադարի ռեժիմը: Ինչպես «Արմենպրեսին» տեղեկացրին ԼՂՀ պաշտպանության նախարարությունից, ադրբեջանական բանակի առաջապահ ուժերը փոքր տրամաչափի հրաձգային զենքերից գնդակոծել են Հադրութի, Ասկերանի եւ Մարտակերտի պաշտպանական հատվածներում տեղակայված ղարաբաղյան դիրքերը: ԼՂՀ պաշտպանության բանակի դիրքապահների պատասխան քայլերից հետո հակառակորդը լռել է: Ղարաբաղյան զինուժը կորուստներ չի կրել: