Իրաքում բնակվող եզդիները նամակով դիմել են ԱՄՆ-ի նորընտիր նախագահ Բարաք Օբամային` Օսմանյան կայսրությունում իրականացված եզդիների ջարդերը որպես ցեղասպանություն ճանաչելու խնդրանքով: Ինչպես հաղորդում է թուրքական NTV հեռուստաալիքը, Միացյալ Նահանգների նախագահին նամակ հղելու որոշումն ընդունել են Իրաքում բնակվող եզդիների քաղաքական եւ հոգեւոր առաջնորդները: Նամակում, մասնավորապես, նշվում է, որ 1916 թվականին հայերին աջակցելու պատճառով Օսմանյան կայսրությունում կոտորվել է մոտ 1 մլն եզդի: Նամակի հեղինակները խնդրում են Օբամային ճնշում գործադրել Թուրքիայի վրա` եզդիների կոտորածները որպես ցեղասպանություն ընդունելու համար, հաղորդում է «Նոյյան տապանը»: