Ինչպես «Արմենպրեսին» հայտնեցին ԼՂՀ ԱԳՆ մամուլի ծառայությունից, մոնիտորինգի հենց սկզբում ադրբեջանական կողմից հերթական կրակոցներն են լսվել ԼՂՀ պաշտպանության բանակի դիրքերում մոնիտորինգ իրականացնող խմբի ուղղությամբ, որոնց շարքում են եղել ԵԱՀԿ գրասենյակի համակարգող Իմրե Պալատինուսը (Հունգարիա), ԵԱՀԿ գործող նախագահի անձնական ներկայացուցչի օգնական Իրժի Աբերլեն (Չեխիա) եւ ԼՂՀ արտաքին գործերի ու պաշտպանության նախարարությունների ներկայացուցիչները, որոնք ուղեկցել են ԵԱՀԿ ներկայացուցիչներին: Ադրբեջանական կողմից արձակված ավտոմատային կրակահերթերն անցել են դիտորդական խմբի ձախ կողմով, որից հետո եւս մեկ առանձին կրակոց է ուղղվել առաքելության ուղղությամբ: Ադրբեջանի կողմից մոնիտորինգային խումբը գլխավորող, ԵԱՀԿ գործող նախագահի անձնական ներկայացուցիչ Անջեյ Կասպրչիկը հրահանգել է դադարեցնել մոնիտորինգը: