Ալմաստի արդյունահանմամբ զբաղվող ռուսաստանյան խոշորագույն ընկերությանՙ ԱԼՌՕՍԱ-ի նախագահ Սերգեյ Վիբորնովը Հայաստանին մեծածավալ վարկային գծի տրամադրման առաջարկություն է ներկայացրել, ինչը հնարավորություն կտա ԱԼՌՕՍԱ-ից ալմաստի հումք ձեռք բերելու եւ դրա մշակմամբ զբաղվող հայկական ձեռնարկություններին առաջիկա մի քանի տարիներին ապահովելու անհրաժեշտ հումքով: Ըստ «Ազատություն» ռադիոկայանի, Սերգեյ Վիբորնովի հետ վարչապետ Տիգրան Սարգսյանի հանդիպման ժամանակ կողմերը պայմանավորվել են վարկի պայմանները լրացուցիչ քննարկելՙ ե՛ւ վարկատուի, ե՛ւ վարկառուի դեպքում դիտարկելով բոլոր ռիսկերը: Սերգեյ Վիբորնովի գլխավորած պատվիրակությանը ընդունել է նաեւ նախագահ Սերժ Սարգսյանը: